OBRADOIROS DE ROBÓTICA I – Busco actividades

Denominación

Obradoiros de robótica educativa para infancia

Contidos

Trátase dun obradoiro de robótica educativa que presenta a tecnoloxía aos nenos e nenas dunha forma lúdica, onde a aprendizaxe se realiza a través do xogo.
É unha actividade innovadora e divertida deseñada para desenvolver as competencias e habilidades precisas para afrontar os desafíos do século XXI.
Os contidos a desenvolver, serán os seguintes:

Aprender conceptos básicos de programación por bloques utilizando programas como: Scratch Junior, Lego Wedo 2.o e Makecode de Microsoft.
Crear videoxogos en 2D utilizando a plataforma Arcade/Makecode de Microsoft
Programar drons intelixentes Parrot Mambo para que realicen tarefas sinxelas utilizando a programa por bloques Tynker.
Comprender o funcionamento dun ordenador. Sistema binario e linguaxes de programación.
Coñecer o funcionamento dos circuítos eléctricos. Realizar proxectos de reciclaxe utilizando materiais de refugallo mesturándoos con placas programables como Playgroundexpress.
Construcción e programación dun robot con Lego Wedo 2.0 interpretando planos.

Obxecto

Realizar un reforzo educativo da ensinanza que se ofrece nos centros públicos propoñendo a integración das actividades que se realizan despois do horario escolar nos Proxectos educativos dos Centros.
Posibilitar unha aproximación á robótica e á programación dunha maneira lúdica.
Fomentar no alumnado a adquisición de habilidades fundamentais para o seu desenvolvemento persoal: creatividade, resolución de problemas, cooperación, traballo en equipo, autoconfianza, razoamento lóxico, analítico, pensamento crítico, etc.